Igi ister marafony: Astana kóshelerin qardan tazalaýshylarǵa shaı, baýyrsaq taratyldy

<p>Elordalyq eriktiler túngi ýaqytta qar tazalaý jumysyna jumyldyrylǵan kommýnaldyq qyzmet mamandaryna ystyq shaı men baýyrsaq taratty, dep habarlaıdy <a href="https://kaz.inform.kz/news/74-min-tengege-deyn-astanada-zhana-aleumettk-komek-engzld-abd27d/Kazinform" target="_blank" rel="noopener">Kazinform</a> qala ákimdiginiń resmı saıtyna siltep.</p>

Qardyń mol jaýýyna baılanysty elordanyń kommýnaldyq qyzmetkerleri táýlik boıy kúsheıtilgen rejımde jumys istep jatyr.

Kúndizgi aýysymǵa 1700-den astam arnaıy tehnıka men 2500-ge jýyq jol jumysshy kóshelerdi qardan tazartýǵa shyqty. Ótken táýlikte qaladan 37 myń tekshe metrden astam qar shyǵaryldy, bul 2802 júk reısin quraıdy.

Túngi aýysymǵa qar tazalaýǵa 1500-den astam arnaıy tehnıka men 400-ge jýyq jol jumysshy shyqty.

Búgin qar tazalaýmen aınalysatyndardyń barlyǵyna eriktiler baýyrsaq pen ystyq shaı taratady.

Mundaı ıgi is qalanyń barlyq aýdanynda júrgiziledi.

«Beıtanys adamdarǵa qamqorlyq kórsetip júrgen eriktilerge alǵysymyz sheksiz. Bul júrekkejylýlyq syılaıdy», – deıdi jol qyzmetkerleriniń biri.

Qys mezgiliniń basynan bastap elordada 1 508 140 tekshe metr qar shyǵaryldy, bul 111 myńnan astam aýyr júk reısin quraıdy.

Eriktiler ystyq shaı men baýyrsaqtardy taratýmen qatar, qar tazalaýǵa kómek kórsetedi, halyqtyń áleýmettik osal toptarynan shyqqan otbasylarǵa azyq-túlik sebetterin tasymaldaıdy, qart kisilerge otyn kesýge kómektesedi.

Esterińizge sala keteıik, elordada ıgi ister marafony ótip jatyr. Aktsııanyń basty maqsaty – eriktiler men turǵyndarǵa halyqtyń áleýmettik álsiz sanattaryna, qart adamdarǵa, muqtaj zeınetkerlerge barynsha kómek kórsetý.