Ierýsalımdegi sınagoga mańynda terakt jasalyp, 7 adam qaza tapty

TELЬ-AVIV. TASS – QazAqparat – Juma kúni Shyǵys Ierýsalımdegi Neve-ıAakov aýdanynda sınagoga janynda terrorıstik akt uıymdastyrylyp, 7 adam qaza tapty. Atalǵan málimetterdi Izraıl polıtsııasynyń baspasóz qyzmeti jarııalady, dep habarlaıdy QazAqparat reseılik TASS agenttigine silteme jasap.

«Ierýsalımdegi terrorıstik akt: búgin keshkisin jergilikti ýaqyt boıynsha saǵat 20-30-dar shamasynda terrorıst Ierýsalımde Neve-ıAakov býlvaryndaǵy sınagogaǵa kelip, jaqyn aradaǵy adamdarǵa oq jaýdyrǵan. Polıtsııa birden oqıǵa ornyna jetip, terrorıstiń ornalasqan jerin anyqtap, oǵan qaraı oq atty. Terrorıst qolǵa tústi»,-delingen polıtsııanyń Twitter paraqshasyndaǵy habarlamada.

«Esh kinási joq 7 adam mert boldy, kóptegen adam jaraqat aldy»,-delingen habarlamada.

Osyǵan deıin The Jerusalem Post pen ızraıldiń ózge de basylymdary 8 adamnyń qaza tapqany týraly habarlady.

Polıtsııa bolǵan oqıǵany terakt dep baǵalady.

Foto - VVS