IELTS jáne TOEFL baldaryn UBT baldaryna aýystyrý shkalasy jarııalandy
Joǵary oqý oryndaryna qabyldaý erejelerine sáıkes IELTS jáne TOEFL halyqaralyq sertıfıkattary bar talapkerler óz nátıjelerin «Aǵylshyn tili» páni boıynsha UBT baldaryna aýystyra alady.
«Buǵan deıin talapkerlerge IELTS baldary 6.0-den joǵary bolsa ǵana, «Aǵylshyn tilinen» 45 ball beriletin. Alaıda, kóptegen talapkerde, aǵylshyn tilin jaqsy deńgeıde meńgergendigin rastaıtyn belgilengen baldan tómen IELTS sertıfıkattary bar boldy. Sondyqtan, túlekter men sarapshy mamandardyń pikirin eskere otyryp, bıyl UBT-da nátıjesi 5.5 IELTS sertıfıkattaryn – 41, al 5.0 balyn 37 balǵa aýystyrý týraly sheshim qabyldandy. TOEFL sertıfıkattarynyń nátıjelerin aýystyrý boıynsha da dál osyndaı ózgerister engizildi. Bul jańalyq «Aǵylshyn tilin» óziniń beıindik páni retinde tańdaǵan test tapsyrýshylardyń jalpy nátıjelerine oń áserin tıgizedi dep oılaımyn», - dep atap ótti Ǵylym jáne joǵary bilim vıtse-mınıstri Qýanysh Erǵalıev.
Aıta keteıik, IELTS jáne TOEFL halyqaralyq sertıfıkattaryn aýystyrýdy joǵary oqý oryndarynyń qabyldaý komıssııalary bilim berý granttaryn taǵaıyndaý konkýrsyna ótinish bergen nemese aqyly negizde oqýǵa qabyldaý kezinde júzege asyrady.