Id Kah – Ortalyq Azııadaǵy eń úlken meshitterdiń biri

<p>QAShQAR. KAZINFORM &ndash; Ejelgi Uly Jibek jolynyń boıynda ornalasqan kóne de jańa Qashqar qalasynda tarıhı eskertkishter az emes. Solardyń biri de biregeıi &ndash; Id Kah meshiti.</p>

Qytaıdaǵy eń úlken meshit Qashqarda ornalasqan.VII ǵasyrda negizi qalanyp 1442 jyly qaıta salynǵan Id Kah meshitinde Orta Azııanyń sáýlet-qurylys óneriniń eń úzdik tásilderi eskerilgen. Onyń jalpy aýmaǵy – 16 800 sharshy metr. Jeti bólimnen turady.

Tarıhı derekterge súıensek,kezinde Id Kah meshiti – ıslam mádenıetin nasıhattaıtyn mańyzdy oryndardyń biri bolǵan. Munda kelýshilerge dinı dáris beretin ustazdar otyrǵan. Sonymen qatar, boıynda talanty bar adamdardyń darynyn damytqan desedi.

Jergilikti turǵyndardyń aıtýynsha, «Id Kah» degen «aıt kúnderi namaz oqý» degendi bildiredi. Kóne dinı orynda bir mezette 10 myń musylman qulshylyq ete alady.

1962 jyly Shyńjań ólkesindegi sáýletti dinı keshen retinde tanylyp, 2001 jyly QHR-nyń erekshe qorǵalatyn rýhanı jáne mádenı oryndardyń tizimine kirdi.

Qashqar – aýa raıy qolaıly,tabıǵaty jaıly meken. Jergilikti halyq saýdamen qatar, aýyl sharýashylyqpen aınalysady.

Qala shetinde úlken ındýstraldy aımaq ornalasqan. Onda maqta óndeý men mashına jasaý zaýyty bar. 

Osyǵan deıin eki myń jyldyq tarıhy bar kóne Qashqar shahary týraly jazǵan edik.