ASTANA. KAZINFORM — Iordanııa astanasy Amman qalasynda ótip jatqan Azııa chempıonatynda Ibragım Magomadov grek-rım kúresinen qola júldege qol jetkizdi.
Qazaqstandyq balýan 77 kelige deıingi salmaqta ıordanııalyq Amro Sadehpen beldesti.
Kilemdegi tóreshi aldymen I.Magomadovty tórttaǵanǵa qoıyp, jergilikti balýan 3:0 esebimen alǵa ketti. Degenmen ekinshi kezeńde Ibragım dál sondaı sátte qarsylasyna des bermeı, jekpe-jekti merziminen buryn aıaqtaı bildi – 11:3.
Osylaısha, I.Magomadov sporttyq jolynda Azııa chempıonatynda ekinshi ret qola aldy. Sonymen qatar ol buǵan deıin altynǵa qosa kúmis júldeger atanǵan edi.
Taǵy bir qazaqstandyq Erbol Kamalıev 55 kelige deıingi salmaqta qola júlde úshin beldesýde ózbekstandyq Ihtıer Botırovqa ese jiberdi – 4:8.
Al Sultan Ásetuly 63 kelige deıingi salmaqta soltústikkoreıalyq Chan Kımpen 0:7 esebimen oısyraı utylyp, 5-oryndy qanaǵat tutty.
Eske sala keteıik, budan buryn Azııa chempıonatynda taǵy úsh qazaqstandyq balýannyń qolaǵa talasatynyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).