IBO prezıdenti «Golovkın qartaıdy» deıtinderge jaýap berdi

ASTANA. QazAqparat - Halyqaralyq boks uıymynyń (IBO) basshysy On The Ropes Boxing Radio-ǵa bergen suhbatynda Gennadıı Golovkın (37-0-1, 33 KO) men Saýl Alvares (49-1-2, 34 KO) jekpe-jegine qatysty pikir bildirdi, dep habarlaıdy Sports.kz.

«Meniń pikirimshe, stıl jekpe-jekti jasaıdy. Keıbir adamdar Gennadıı óziniń bıiginde emes dep esepteıdi. Alaıda men olardyń qatarynda emespin. Jekpe-jekte Golovkınniń qatty soqqylary Alvareske tıip jatty», - dep atap ótti Ed Levın.

«Men Gennadııdiń «Kanelonyń» birneshe soqqysyn ótkizip alǵanyn baıqadym. Kez kelgen boksshyda mundaı soqqylardan keıin problemalar bolady. Biraq bul Golovkınge qatysty aıtylmaıdy. Gennadıı bul jekpe-jekte jeńiske jetti. Ol qansha qalasa sonsha bokstasa alady, óıtkeni ol talantty», - dedi Levın.

Eske sala keteıik, 16 qyrkúıekte Golovkın Alvarespen judyryq túıistirip, tóreshilerdiń sheshimimen teń túsken bolatyn.