IBF Golovkındi álem chempıony beldiginen aıyrdy

ASTANA. QazAqparat - Halyqaralyq boks federatsııasy (IBF) qazaqstandyq boksshy Gennadıı Golovkınndi (38-0-1, 34 KO) álem chempıony ataǵynan aıyrdy, dep habarlaıdy Sports.kz.

22 mamyrda Sprıngfıldte (AQSh, Nıý-Djersı shtaty) ótken tyńdalymǵa Golovkın jáne IBF bekitken onyń mindetti qarsylasy ýkraınalyq Sergeı Derevıanchenko (12-0, 10 KO) sonymen qatar eki sportshynyń komandasy qatysty.

IBF komıssııasy eki tarapty da tyńdap shyqty. Ol búgin Gennadııdi IBF beldiginen aıyrý jóninde sheshim qabyldady. Óıtkeni ol 3 tamyzǵa sheıin Derevıanchenkomen kezdesýden bas tartty.

Eske sala ketsek, Golovkın ekinshi márte meksıkalyq Saýl Alvarespen (49-1-2, 34 KO) aıqasýy kerek bolǵan. Alaıda kelissózder qarjy kelispeýshiligine baılanysty tyǵyryqqa tireldi. Sonymen qatar qazaqstandyq WBO chempıony Bıllı Djo Sonderspen (26-0, 12 KO) kezdesý jóninde jospar boldy. Alaıda ol 23 maýsymda tıtýlyn qorǵaý úshin Martın Mıýrreıge qarsy shyǵýdan bas tartty.