І jartyjyldyqta elimizde 4 myńǵa jýyq adam bas bostandyǵynan aıyryldy - Joǵary sot

ASTANA. QazAqparat - Bıyl birinshi jartyjyldyqta 4 myńǵa tarta adam bas bostandyǵynan aıyryldy. Bul týraly búgin Ortalyq kommýnıkatsııalar qyzmetinde Joǵarǵy sottyń qylmystyq ister jónindegi qadaǵalaýshy sot alqasynyń tóraǵasy Abaı Rahmetýllın málim etti.

«Aýdandyq jáne qalalyq sottarǵa 22 302 qylmystyq is kelip túsken. Ol byltyrǵy jyldyń sáıkes kezeńimen salystyrǵanda 0,3 paıyzǵa az. Mundaı úrdis barlyq jerde emes, árıne. Jeti aımaqta kerisinshe, olardyń sany artýda. Bul - Astana jáne Almaty qalalary, Aqmola, BQO, Qaraǵandy, SQO jáne OQO. Jalpy 14 632 adam sottaldy, onyń ishinde 3 830 adamǵa bas bostandyǵynan aıyrý jazasy kesildi», - deıdi A.Rahmetýllın.

Onyń aqparatyna sáıkes, aqtalǵan azamattardyń sany da artqan. Byltyr olardyń sany 219 bolsa, bıyl - 315.