I.Tasmaǵambetov «Járdem-2016» arnaıy oqý-jattyǵýynda áskerılerdiń kásibı daıarlyǵyn tekserdi

ASTANA. QazAqparat - Búgin, 20 sáýir kúni Qazaqstan Respýblıkasynyń Qorǵanys mınıstri Imanǵalı Tasmaǵambetov Saryshaǵan polıgonynda ótip jatqan «Járdem-2016» arnaıy oqý-jattyǵýyna qatysty, dep habarlady QR Qorǵanys mınıstrliginiń baspasóz qyzmetinen.

Qorǵanys vedomstvosynyń basshysy áskerı qyzmetshilerdiń is júzindegi is-qımyldaryn baqylap, jeke quramnyń kásibı daıarlyǵyn baǵalady.

«Járdem-2016» oqý-jattyǵýyna qatysýǵa 100-den asa áskerı qyzmetshi, sondaı-aq 10-nan astam áskerı qoparýshy maman tartyldy.
Oqý-jattyǵýǵa shamamen 100 birlik arnaıy tehnıka, ıaǵnı, býldozerler, tıegishter jáne ekskavtorlar tartyldy. Derekterge súıensek, oqý-jattyǵý aǵymdaǵy jyldyń shildesine deıin jalǵasady.