I. Tasmaǵambetov «Batyr arýlar» baıqaýynyń jeńimpazdaryn marapattady (FOTO)
Baıqaý óz ómirin áskermen baılanystyrýǵa bel býǵan, olar úshin áskerı qyzmet jaı ǵana jumys emes, al ómir beınesi men stıli bolyp tabylatyn úzdik áıel áskerı qyzmetshilerdi anyqtaý úshin uıymdastyrylǵan.
Bıylǵy jyly «Batyr arýlar» baıqaýy ekinshi márte ótkizildi. Biraq, bul rette onyń aýqymy men baıqaýǵa ár eldiń turǵyndary bildirgen qyzyǵýshylyq arta tústi. Internet daýys berýge Reseı, AQSh, Germanııa, Ulybrıtanııa, Indonezııa, Úndistan men Orta Azııa elderiniń paıdalanýshylary belsene qatysty. Eki aılyq daýys berý nátıjesinde konkýrsanttarǵa rekordtyq 253 875 daýys sany berildi. Bul rette tehnıkalyq talaptar kúsheıtildi. Internet paıdalanýshylar bir IP-adresten ǵana daýys bere aldy. Nátıjesinde qazaqstandyq armııanyń úzdik ókilderi anyqtaldy.
Qazaqstan Respýblıkasynyń Qorǵanys mınıstri Imanǵalı Tasmaǵambetov 12 jeńimpazdy quttyqtady.
«Qazaqstannyń armııasynda áıel áskerı qyzmetshiler atqaryp otyrǵan laýazymdarda áskerı qyzmetti laıyqty deńgeıde atqarady. Áskerı qyzmetti ótkerýi barysyndaǵy olardyń aıryqsha qasıetteri jaýapkershilik pen adaldyq bolyp tabylady. Kúrdeli, qajyrly eńbekti arqalap júrgen názik jandy áskerı qyzmetshi arýlar Qazaqstan Qarýly Kúshteriniń áskerı ujymdaryna tyń jańalyq pen jylýlyq uıalata otyryp, erlermen qatar ıyq teńestirip qyzmet atqaryp júr», - dedi mınıstr.
Baıqaýǵa barlyǵy 80 áıel áskerı qyzmetshi qatysty. Olar Qazaqstannyń ártúrli óńirlerin, túrleri men ásker tekterin, áskerı bólimderin, óńirlik qolbasshylyqtary men áskerı dárigerler men desantshylardan bastap mýzykanttar men baılanysshylarǵa deıin ártúrli áskerı kásip ıelerin pash etti. Marapatqa jáne Qazaqstan Qarýly Kúshteriniń úzdik ókilderiniń biri ataǵyna ıe bolý jolynda konkýrsanttar talaı belesterden ótti. Qatysýǵa ótinim bergen sátten bastap jáne saltanatty rásimge deıin olar oq atty, barlyq kedergilerdi eńserdi, urys mashınalaryn baǵyndyrdy, tipti, arnaıy tapsyrmany oryndaýǵa attandy. Endi olardyń árqaısysy «Batyr arýlar» mamandandyrylǵan kúntizbesi betteriniń sánin keltiredi.
«Áskerı qyzmet - bul abyroı. Men áskerı adam, onyń ústine áskerı medık bolǵanymdy maqtan tutamyn. Bul maǵan eki ese jaýapkershilikti júkteıdi», - dep baıqaý jeńimpazdarynyń biri QR QM BÁKG bet-jaq hırýrgııasy bólimshesiniń aǵa mamany efreıtor Aıjan Musaeva atap ótti.