I.Merkel shetelde sottalǵan Qazaqstan azamattarynyń otanyna oralý sharttaryn túsindirdi

ASTANA. QazAqparat - Sottalǵan adamdardy ózi azamaty bolyp tabylatyn elge jazasyn óteý úshin berý máselesin qarastyrý Bas prokýratýra quziretine jatady.

Bul ulttyq zańnamamen de, halyqaralyq sharttarmen de anyqtalǵan. Bul týraly QR Bas prokýrorynyń birinshi orynbasary Iogan Merkel málim etti.

"Shet memleketterde bizdiń sottalǵan azamattardyń quqyqtaryn qorǵaý úshin biz birinshiden halyqaralyq sharttarǵa qol qoıý jónindegi jumystardy júrgizemiz. Osy másele TMD memleketterimen 1998 jylǵy 6 naýryzdaǵy Bas bostandyǵynan aıyrylǵan sottalǵan adamdardy jazasyn odan ári óteý týraly Konventsııa sheńberinde sheshiledi",- dedi I.Merkel.

Onyń atap ótýinshe, sońǵy jyldary atalmysh konventsııadan basqa Qazaqstan Respýblıkasy osy salada Túrkimenstan, Ýkraına, Ázerbaıjan, Ispanııa, Túrkııa, Qytaı, Italııa, Majarstan, Rýmynııa jáne Úndistan elderimen ekijaqty kelisimderge qol qoıdy. Ekijaqty yntymaqtastyqty damytýdan ózge Qazaqstan 2015 jylǵy 6 jeltoqsanda Qylmystyq jaýaptylyqty shetelde óteý týraly amerıkaaralyq konventsııaǵa qosyldy.