I. Ilın aýyr atletıkada teńdessiz sportshy ekenin taǵy bir márte dáleldedi - A.Muhamedıuly

ASTANA. QazAqparat - QR Mádenıet jáne sport mınıstri Arystanbek Muhamedıuly Ilıa Ilındi Groznyı qalasynda ótken Aýyr atletıkadan RF Kýbogy úshin bolǵan jarysta qol jetkizgen asa iri jeńisine oraı quttyqtady.

«Siz aýyr atletıkada teńdessiz sportshy ekenińizdi taǵy bir márte dáleldedińiz»,-dep atap ótti óz quttyqtaýynda mınıstr. «Kúlli álem kóz tigip otyrǵan baıraqty básekede qatarynan eki birdeı Álem rekordyn jańarttyńyz! Sizdiń ár jeńisińiz el mereıin asqaqtatyp, jastardyń sportqa degen qulshynysyn arttyrady. Jeńisińizdi Táýelsizdik kúnine arnadyńyz. Bul orny bólek, erekshe syı dep bilemin».

QR Mádenıet jáne sport mınıstri sańlaq sportshynyń 2016 jyly Rıo-de-Janeıro Olımpıadasynda jasyndaı jarqyldaýyna tilektestigin bildirdi.