Hyundai, Kia jáne Genesis 208 myń elektr kóligin keri qaıtaryp jatyr

<p>ASTANA. KAZINFORM &mdash; 62 872 Kia elektr kóligi jáne 145 235 Hyundai jáne Genesis elektromobılderi keri qaıtarylýda. Bul ońtústik koreıalyq brendterdiń basym bóligi, dep jazady <a href="https://www.msn.com/en-us/money/companies/hyundai-kia-recall-more-than-208-000-electric-vehicles-over-power-loss-issue/ar-AA1uF9kX?ocid=finance-verthp-feeds&amp;apiversion=v2&amp;noservercache=1&amp;domshim=1&amp;renderwebcomponents=1&amp;wcseo=1&amp;batchservertelemetry=1&amp;noservertelemetry=1" target="_blank" rel="noopener">CBS</a> News.</p>

Kompanııa óz kólikterin bıyldyń esebinen birinshi ret keri qaıtaryp jatqan joq. Hyundai buǵan deıin ózdiginen qozǵalýyna sebep bolýy múmkin symdardaǵy aqaýlyqtarǵa baılanysty AQSh-taǵy 42 000-nan astam kólikti keri qaıtaryp alǵan.

Endi qaıtaryp alýdyń sebebi — zarıadtaý blogyndaǵy (ICCU) tehnıkalyq aqaý. Bul qurylǵy isten shyǵyp, 12 voltty batareıany zarıadtamaı qalýy múmkin. Eger bul aqaýlyq kólik júrip kele jatqanda oryn alsa, kólik tartý kúshin joǵaltyp, nátıjesi apatqa ákelýi múmkin.

Ázirge mundaı jaǵdaılar tirkelmegen, biraq teorııalyq turǵydan múmkin degen boljam bar. Sondyqtan keri qaıtaryp alý tizimderine engen avtokólik ıelerine tómendegi atalǵan markalardy resmı dılerlik ortalyqtarǵa alyp barý usynylady. Onda olar dıagnostıka júrgizedi jáne qajet bolǵan jaǵdaıda aqaýly qosalqy bólshekti aýystyryp, baǵdarlamalyq jasaqtamany jańartady.

Keri qaıtarýǵa kelesi úlgiler kiredi:

2022–2024 jylǵy Hyundai Ioniq 5;
2023–2025 jylǵy Hyundai Ioniq 6;
2023–2024 jylǵy Genesis GV60, GV70 jáne G80;
2022-2024 jylǵy Kia EV6.

Eske salaıyq, Tesla avtopılot aqaýyna baılanysty 2 mıllıon kóligin keri qaıtaryp jatyr.