Hýsıtter Qyzyl teńizde AQSh tankeri Madoǵa shabýyl jasaǵanyn málimdedi

<p>ASTANA. KAZINFORM &ndash; Iemendik hýsıtter AQSh-qa tıesili ekenin anyqtaǵan Qyzyl teńizdegi suıytylǵan munaı gazy bar Mado tankerine shabýyl jasady. Bul týraly qozǵalystyń áskerı ókili ıAhıa Sarııa málimdedi, dep jazady <a href="https://tass.ru/mezhdunarodnaya-panorama/20285443" target="_blank" rel="noopener">TASS </a>agenttigi.</p>

«Iemen áskerı-teńiz kúshteri Qyzyl teńizdegi amerıkandyq Mado kemesin nysanaǵa aldy jáne birneshe kemege qarsy zymyrandarmen atqylaý operatsııasyn jasady», – dedi Sarııa hýsıtterge tıesili Al Masirah telearnasynda.

Qozǵalys ókili sondaı-aq hýsıtterdiń Izraıldiń ońtústiginde ornalasqan Eılat qalasyna qanatty zymyrandarmen shabýyl jasaǵanyn aıtty. Izraıl qorǵanys kúshteri buǵan deıin habarlaǵandaı, dúısenbi kúni Eılattyń soltústigindegi adam turmaıtyn aımaqqa «kúdikti áýe nysany» qulaǵan.

Gaza sektoryndaǵy qaqtyǵystyń shıelenisýinen keıin hýsıtter Izraıldi atqylaıtynyn jáne Palestına anklavyndaǵy operatsııa toqtatylǵanǵa deıin onymen baılanysty kemelerdiń Qyzyl teńiz men Bab-el-Mandeb buǵazynyń sýlary arqyly ótýine ruqsat bermeıtinin eskertti. 2023 jyldyń qarashasynan beri hýsıtter Qyzyl teńiz ben Aden shyǵanaǵynda ondaǵan azamattyq kemelerge shabýyl jasady. 14 naýryzda qozǵalys jetekshisi Abdel Malek ál-Hýsı onyń jaqtastary Úndi muhıty arqyly júzetin Izraılmen baılanysty kemelerge shabýyl jasaýǵa nıetti ekenin aıtty.