Hýsıtter BUU ushaǵynyń Iemenge kirýine jol bermedi

<p>ASTANA. KAZINFORM &ndash; Iemendik búlikshil &laquo;Ansar Allah&raquo; qozǵalysynyń hýsıtteri BUU ushaǵynyń Iemenniń shyǵysyndaǵy Marıb provıntsııasynyń áýejaıyna qonýyna jol bermedi. Kazinform bul týraly <a href="https://tass.ru/mezhdunarodnaya-panorama/19803501" target="_blank" rel="noopener">TASS-</a>qa silteme jasap habarlaıdy.</p>

Hýsıtter dúnıejúzilik uıym ushaǵynyń Marıb provıntsııasyna qonýyna ekinshi ret múmkindik bermedi.

Buǵan deıin hýsıtterdiń AQSh pen Ulybrıtanııa azamattarynan turatyn BUU qyzmetkerlerine «Ansar Allah» uıymynyń baqylaýyndaǵy Iemen aýdandaryn bosatýǵa bir aı ýaqyt bergeni habarlanǵan bolatyn.

Izraıl men Palestına arasyndaǵy qaqtyǵys kezinde Iemen hýsıtteri Eýropa men Azııa arasyndaǵy negizgi saýda jolyn jaýyp tastady. Bul jolmen ótetin taýar dúnıejúzilik saýdanyń 15%-yn quraıdy. Ázirge amerıkalyq zymyrandar da, Ulybrıtanııanyń áskerı kemeleri de teńiz jolyndaǵy bógetti buza almaı otyr.

«Izraıl men Palestına arasyndaǵy qaqtyǵys jaǵdaıynda Iemendik hýsıtter Eýropa men Azııa arasyndaǵy negizgi saýda jolyn jaýyp tastady jáne ázirge eshteńe — amerıkandyq zymyrandary da, brıtandyq fregattar da — teńiz jolynyń qorshaýyn alyp tastaýǵa kómektespeıdi, bul shamamen álemdik saýdanyń 15% quraıdy»,- dep jazylǵan. 

Nıý-Iork Taıms basylymy ıemendik «Ansarýlla» tobynyń shabýyly Qyzyl teńizdegi kemeler qozǵalysyna tıgizgen áseriniń kartasyn jarııalady.

Sýrette kórsetilgendeı, hýsıtter shabýylyna deıingi kemeler qozǵalysy jasyl túspen, shabýyldan keıingi kemeler kúlgin túspen belgilengen.

Bir apta buryn AQSh pen Ulybrıtanııanyń áýe jáne áskerı kemeleri Iemendegi kóterilisshi hýsıtter tobyna soqqy bere bastady.

Buǵan deıin biz Qyzyl teńizdegi kemelerge shabýyl jasap, álemdik saýdany buzýshy hýsıtterdiń kim ekeni týraly jazǵan bolatynbyz.