Hromtaýda ınvestıtsııalyq aımaq qurylady

<p>ASTANA. KAZINFORM &mdash; Hromtaý monoqalasynda quny 400 mlrd teńge turatyn 20 jobany júzege asyrýǵa arnalǵan ındýstrııalyq aımaq qurylady. Bul týraly Aqtóbe oblysynyń ákimi Ashat Shaharov málim etti.&nbsp;</p>

— Investorlarǵa qolaıly jaǵdaı jasaý maqsatynda Álııa Moldaǵulova atyndaǵy halyqaralyq áýejaı bazasynda jalpy aýdany 858 gektardy quraıtyn arnaıy ekonomıkalyq aımaq qurý qolǵa alyndy. Atalǵan aımaqta keminde 1,2 trln teńgege 40-tam astam jobany júzege asyrý josparda. Sondaı-aq, Hromtaý monoqalasynda 400 mlrd teńgege 20 jobany júzege asyrýǵa arnalǵan ındýstrııalyq aımaq qurý jumysy júrip jatyr, — dedi Ashat Shaharov óńirdiń áleýmettik-ekonomıkalyq damýy týraly esep bere turyp.

Aıta keteıik, aldaǵy jyly Aqtóbe óńiri 1 trln teńge ınvestıtsııa tartýdy josparlap otyr.

Sondaı-aq, aldaǵy jyly Aqtóbe oblysyndaǵy 24 aýyl gazben qamtylatyny aıtyldy.