Hromtaý qalasynyń turǵyny alaıaqqa aldanyp, 10 mln teńgesinen aıryldy
08:40, 09 Maýsym 2022
AQTÓBE. QazAqparat-Hromtaý qalasynyń 53 jastaǵy turǵyny ańqaýlyǵynan barlyq jınaqtarynan aıyryldy, dep habarlaıdy QazAqparat tilshisi.
Áıeldiń uıaly telefonyna beıtanys adam habarlasyp, ózin bank qyzmetkerimin dep tanystyrǵan. Senimine kirgen alaıaq áıelden SMS habarlama kodyn alyp, úsh banktik shotyndaǵy jalpy somasy 10 mln-ǵa jýyq jınaqtaryn jymqyrǵan.
«Uıaly telefonyna kelgen SMS-kodyn alǵan alaıaq áıeldiń barlyq jınaqtaryn úsh banktik shottan óziniń kartasyna aýdarǵan. Osylaısha, Hromtaý qalasynyń turǵyny 10 mln teńgege jýyq teńgesinen aıyrylǵan»,-dedi oblystyq polıtsııa departamentiniń baspasóz hatshysy Erbolat Sarqulov.
Atalǵan fakti boıynsha QR QK-niń 190-baby 3-bóligi «Alaıaqtyq» boıynsha sotqa deıingi tergeý júrgizilýde, kúdiktilerdi anyqtaý men ustaýǵa baǵyttalǵan jedel is-sharalar júrgizilýde.