Horvatııalyq qaqpashy «Bavarııa» komandasyna aýysýy múmkin

ASTANA. QazAqparat – Fýtboldan Horvatııa quramasynyń qaqpashysy Domınık Lıvakovıch Germanııanyń «Bavarııa» komandasyna aýysýy múmkin, dep habarlaıdy QazAqparat tilshisi.

Mundaı sheshim «Bavarııanyń» negizgi qaqpashysy Manýel Noıerdiń aıaǵynan jaraqat alyp qalýyna baılanysty qabyldanyp otyr. Saldarynan ol bıylǵy fýtbol maýsynyń sońyna deıin jasyl alańǵa qaıta orala almaıdy degen boljam bar.

Bul rette «Bavarııa» basshylyǵy eki nusqany qarastyrady. Alǵashqysy – Frantsııanyń «Monako» klýbynan Aleksandr Nıýbeldiń jalǵa alý merzimin toqtatyp, komandaǵa qaıta qosý bolsa, ekinshisi – Domınık Lıvakovıchpen kelisimshart jasaý.

Álem chempıonatynda horvatııalyq qaqpashy bes kezdesýde óz qaqpasyna nebári úsh gol jiberip aldy. Al, ózi oınaıtyn Horvatııanyń «Dınamo» (Zagreb) klýbynda 28 kezdesýde 35 goldy qaqpasynan alyp shyǵýǵa májbúr boldy.

Eske salsaq, budan buryn horvatııalyq qaqpashy penaltı serııasynda seıv jasaýdan rekordtyq kórsetkishti qaıtalady.

Foto: :GOLÝBOVICh DMITRII, «ChEMPIONAT»