Horvatııadaǵy prezıdent saılaýynda Zoran Mılanovıch jeńiske jetti

<p>ASTANA.KAZINFORM - Horvatııadaǵy prezıdent saılaýynyń ekinshi týrynda qazirgi prezıdent Zoran Mılanovıch alda keledi. Buǵan exit poll nátıjesi dálel. Mılanovıch 70 paıyzdan astam daýys jınady, dep jazady <a href="https://ru.euronews.com/my-europe/2025/01/12/croatia-first-results?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews</a>.</p>

Basty básekeles, bıleýshi ​​Horvatııa demokratııalyq odaǵy partııasy qoldaıtyn Dragan Prımorats shamamen 26% daýys jınady.

- Ekzıt-poll nátıjesi boıynsha Zoran Mılanovıch prezıdent saılaýynyń ekinshi týrynda senimdi túrde jeńiske jetti. Mılanovıch 73 paıyz daýys jınasa, onyń qarsylasy Dragan Prımorats 26 paıyz daýys jınady, - deıdi Dýshan Ilıch.

Onyń aıtýynsha, ekinshi raýnd aldynda júrgizilgen saýalnama Mılanovıchtiń jeńisine boljam jasaǵan, biraq birinshi raýndtaǵydaı bul jeńistiń qanshalyqty senimdi bolatynyn durys baǵalaı almaǵan. Mılanovıch 16%-ǵa artyq, Prımorats 6%-ǵa az daýys jınady.

- Saılaýdaǵy osy jeńisiniń arqasynda Zoram Mılanovıch tarıhta qaıta saılanǵan Horvatııanyń úshinshi prezıdenti boldy. Onyń aldynda muny tek Frano Týdjman men Stıp Mesıch jasaı aldy, - dep qosty Dýshan Ilıch.

Budan deıin habarlaǵanymyzdaı, 29 jeltoqsanda ótken birinshi týrda Zoran Mılanovıch basqa jeti kandıdatqa qarsy 49,7% daýys jınaǵan, bul absolıýtti jeńiske jetý úshin qajetti bıýlletenderdiń jartysynan sál az.