Horvatııadaǵy qarttar úıine qarýly shabýyl jasaldy

<p>ASTANA. KAZINFORM&mdash; Keminde bes adam qaza taýyp, taǵy jeteýi jaralandy. Jergilikti BAQ-tyń habarlaýynsha, otstavkadaǵy áskerı qyzmetker anasyn óltirgen, dep jazady <a href="https://ru.euronews.com/my-europe/2024/07/22/croatia-retirement-home-attack" target="_blank" rel="noopener">Euronews</a>.</p>

«Shabýyldaýshy dúısenbi kúni Horvatııanyń ortalyq bóligindegi Zagrebtegi qarttar úıine kirip, birneshe adamdy óltirip, jaraqattady», — dep habarlady Horvatııa polıtsııasy.

Sońǵy málimetter boıynsha, bes adam qaza tapty, jeti adam jaraqat aldy, olardyń beseýi aýyr jaǵdaıda.

Index jańalyqtar portaly bes adamnyń oqıǵa ornynda qaza tapqanyn, qalǵandaryna medıtsınalyq kómek kórsetilip jatqanyn málimdedi.

«Kúdikti oqıǵa ornynan qashyp ketken, biraq polıtsııa ony kóp uzamaı Darývar qalasyndaǵy dámhanada ustady», — delingen habarlamada.

Polıtsııanyń málimetinshe, er adam atys qarýyn qoldanǵan.

N1 oblystyq telearnasy kúdiktiniń 1973 jylǵy ekenin habarlady. Jergilikti BAQ-tyń jazýynsha, otstavkadaǵy áskerı adam qarttar úıindegi óz anasyn óltirgen.

Darývar — 8500 halqy bar Slavonııadaǵy kýrorttyq qala jáne mýnıtsıpalıtet.

Qazir tergeý amaldary júrgizilip jatyr.