Horvatııada reseılik jáne qytaılyq vaktsınalar sapasyna senim bar – sarapshy

ZAGREB. TASS-QazAqparat – Reseı jáne Qytaıda ázirlengen koronavırýs vaktsınalarynyń sapasy Horvatııada kúmán týdyrmaıdy. HRT telernasy efırinde Azamattyq qorǵanys shtabynyń basshylyq múshesi, professor, Zagreb ortalyq ınfektsııa aýrýhanasynyń bas dárigeri Alemka Markotıch osylaı málim etti, dep habarlaıdy QazAqparat TASS agenttigine silteme jasap.

«Meniń [RF men Qytaı vaktsınalarynyń sapasyna] kúmánim joq, alaıda jalpylaı baǵa bere almaımyn», - dedi Markotıch reseılik jáne qytaılyq ekpe preparatynyń tıimdiligi týraly suraqqa jaýap bere otyryp.

Sarapshy Reseı men Qytaı joǵary tehnologııalyq bilim jáne damý deńgeıine ıe bolǵandyqtan sol elderde ázirlengen vaktsınalardyń sapasyna kúmán bolmaıtynyn atap ótti.