Horvatııada prezıdenttik saılaýdyń ekinshi týry ótip jatyr

<p>ASTANA. KAZINFORM &ndash;&nbsp;Horvatııadaǵy prezıdenttik saılaýdyń II týryndaǵy daýys berý jergilikti ýaqyt boıynsha jeksenbi kúni saǵat 07:00-de bastaldy, dep habarlaıdy <a href="https://russian.news.cn/20250112/bfaf2da2b44e4b91b527dff4e3cffb9a/c.html" target="_blank" rel="noopener">Sınhýa.</a></p>

Búkil el boıynsha daýys berý quqyǵy bar 3,7 mıllıonnan astam saılaýshy qazirgi prezıdent Zoran Mılanovıch pen onyń qarsylasy Dragan Prımorak arasynda tańdaý jasaıdy.

Memlekettik saılaý komıssııasy saılaýshylardy daýys berý úshin saılaý ýchaskelerine kelýge shaqyrdy.

Birinshi daýys berý týry 2024 jyldyń 29 jeltoqsanynda ótti. Segiz kandıdattyń ishinde eń iri oppozıtsııalyq Sotsıal-demokratııalyq partııa qoldaıtyn Z.Mılanovıch pen basqarýshy Horvatııa demokratııalyq Dostastyǵy qoldaıtyn D. Prımorak birinshi jáne ekinshi oryndardy ıelendi. Olar sáıkesinshe 49,09 paıyz jáne 19,35 paıyz daýys jınaǵan.

Horvatııa Zańyna sáıkes, eger birinshi týrda eshkim daýystyń jartysynan kóbin jınamasa, eki jetekshi úmitker eki aptadan keıin ekinshi týrǵa qatysady.

Horvatııa Prezıdenti bes jyl merzimge saılanady jáne bir ret qaıta saılanýy múmkin.

Osyǵan deıin Horvatııa birinshi týrda prezıdentin saılaı almaǵanyn habarlaǵan edik.