Hokkeıden Qazaqstan jastar quramasy kanadalyq klýbty iri eseppen jeńdi

<p>ASTANA. KAZINFORM &mdash; Shaıbaly hokkeıden Qazaqstan jastar quramasy 2025 jylǵy álem chempıonatyna daıyndyq barysynda eki joldastyq kezdesý ótkizdi.</p>

Qazaqstandyq hokkeıshiler Kanadada jergilikti «Hoksberı Hoks» klýbyn 8:1 esebimen jeńse, taǵy bir kezdesýde Germanııaǵa 0:4 esebimen jol berdi.

Dúbirli doda 2024 jyldyń 25 jeltoqsany men 2025 jyldyń 5 qańtary aralyǵynda Kanadada ótkiziledi. Qazaqstandyq hokkeıshiler Ottava qalasynda B tobynda Chehııa, Slovakııa, Shveıtsarııa jáne Shvetsııamen sheberlik baıqasady.

El quramasy Shvetsııamen 27, Chehııamen 28, Slovakııamen 30, Shveıtsarııamen 31 jeltoqsanda sheberlik baıqasady.

Qazaqstan jastar quramasynyń tizimi tómendegishe:

Qaqpashylar: Djohar Dýdarkıev, Vladımır Nıkıtın (ekeýi — «Snejnye barsy», MHL), Danıl Lytkın («Barys U18»)

Qorǵaýshylar: Roman Bolshedvorskıı, Aslan Júsipbekov, Sanjar Ibragım, Gleb Reshetko, Danıal Shaqshaqbaev, Mstıslav Shıpılın (barlyǵy — «Snejnye barsy», MHL), Danıla Belıakov («Torpedo», Óskemen), Beıbarys Orazov («Barys», KHL)

Shabýylshylar: Abzal Álibek («Fıladelfııa Rebels», NAHL), Ádil Beısembaev, Artýr Gross, Kırıll Kankın, Vladımır Korchagın, Kırıll Lıapýnov, Aleksandr Mıgýnov, Asanáli Rýslanuly, Nıkıta Sıtnıkov (barlyǵy — «Snejnye barsy», MHL), Aleksandr Kım («Bısmark Bobkets», NAHL), Davlat Nurkenov («Essıat U20», U20 SM-sarja), NAHL), Egor Levkovets (MHK «Barys»), Asanalı Sarkenov (Spokan Chıfs, WHL), Semen Sımonov («Barys»).

Quramaǵa Sergeı Starygın jetekshilik etse, oǵan Georgıı Vereşagın men Alekseı Obýhov kómekshilik jasaıdy.