Hokkeıden Qazaqstan jasóspirimder quramasy Norvegııamen joldastyq kezdesý ótkizedi
Bul kezdesý 20 sáýirge belgilengen.
Shaıbaly hokkeıden jasóspirimder arasyndaǵy álem chempıonaty 25 sáýir men 5 mamyr aralyǵynda Fınlıandııada ótedi.
Dúbirli dodada qazaqstandyq hokkeıshiler 20 jyldyq úzilisten keıin qaıtadan baq synaıdy. Byltyr olar birinshi dıvızıonda jeńimpaz atanyp, elıtalyq dıvızıonda oınaýǵa múmkindik aldy.
Qazaqstandyq hokkeıshiler V tobynda Vantaa qalasynda oınaıdy. Qarsylastary – Shveıtsarııa, Chehııa, Shvetsııa jáne Kanada.
Qazaqstan quramasynyń oıyn kestesi:
26 sáýir. 18:00. Shveıtsarııa – Qazaqstan
27 sáýir. 18:00. Qazaqstan – Shvetsııa
29 sáýir. 18:00. Chehııa – Qazaqstan
30 sáýir. 22:00. Qazaqstan – Kanada.
Shırek fınal - 2 mamyr, jartylaı fınal – 4 mamyr kúnderi bolady.
Al, fınal men úshinshi oryn úshin saıys 5 mamyrǵa belgilengen.
Aıta ketsek, budan buryn shaıbaly hokkeıden álem chempıonatynda Qazaqstan jastar quramasynyń yqtımal qarsylastary anyqtaldy.