Hokkeıden Qazaqstan áıelder quramasy álem chempıonatyna qatysady

<p>ASTANA. KAZINFORM — Andorrada 7-13 sáýir aralyǵynda shaıbaly hokkeıden áıelder arasynda ekinshi dıvızıonnyń A tobynda oıyndar ótkiziledi. Oǵan Qazaqstan quramasy da qatysady.</p>

Qazaqstandyq hokkeıshiler birinshi dıvızıonǵa beriletin jalǵyz joldamany Belgııa, Ispanııa, Islandııa, Taıpeı jáne Meksıka quramalarymen sheberlik baıqasady.

Qazaqstan quramasynyń oıyn kestesi:

7 sáýir. 20:30. Meksıka — Qazaqstan
8 sáýir. 17:00. Qazaqstan — Taıpeı
10 sáýir. 17:00. Qazaqstan — Islandııa
11 sáýir. 20:30. Belgııa — Qazaqstan
14 sáýir. 00:00. Ispanııa — Qazaqstan.

Qazaqstandyq hokkeıshiler byltyr Ońtústik Koreıanyń Sývon qalasynda birinshi dıvızıonnyń V tobynda synǵa tústi.

Barlyq oıynda jeńilip, bir satyǵa tómen dıvızıonǵa tómendedi.

Eske salsaq, budan buryn shaıbaly hokkeıden Qazaqstan jasóspirimder quramasynyń álem chempıonatynyń elıtalyq dıvızıondaǵy oıyn kestesi belgili boldy.