ASTANA. KAZINFORM - Shaıbaly hokkeıden Qazaqstan áıelder quramasy álem chempıonatyna daıyndyǵyn bastap ketti.
Bıyl el quramasy IB dıvızıonynda synǵa túsedi. Qarsylastary — Ońtústik Koreıa, Italııa, Ulybrıtanııa, Latvııa jáne Slovenııa. Oıyndar 9-15 sáýir kúnderine belgilengen.
Qazaqstandyq hokkeıshiler 3 sáýirden bastap daıyndyqty Ulybrıtanııada ótkizedi. 6 sáýirde sol eldiń quramasymen joldastyq kezdesýde muz aıdynyna shyǵady.
Otandastarymyz byltyr IIA dıvızıonynda birinshi oryn aldy. Onda bes oıynnyń barlyǵynda jeńiske jetti.
Aıta ketsek, qazaqstandyq hokkeıshiler 2005, 2007, 2009 jyldarda joǵary dıvızıonda baq synady. Al 2003, 2007, 2011 jyldarda Azııa oıyndarynda chempıon atandy.
Eske salsaq, bıyl qurama Qytaıdyń Harbın qalasynda ótken ІH qysqy Azııa oıyndarynyń kúmis júldesin ıelendi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.