Hokkeıden Fınlıandııa quramasy alǵash ret Olımpıada chempıony atandy

NUR-SULTAN. QazAqparat - Qytaıdyń Beıjiń qalasynda ótip jatqan qysqy Olımpıada oıyndarynda shaıbaly hokkeıden erler arasynda chempıon anyqtaldy, dep habarlaıdy QazAqparat tilshisi.

Mundaı jetistikke Fınlıandııa quramasy qol jetkizdi. Fınlıandııalyq hokkeıshiler fınalda Reseıdi 2:1 esebimen tize búktirdi.

Osylaısha olar óziniń tarıhynda tuńǵysh márte Olımpıada chempıony ataǵyna ıe boldy.

Buǵan deıin jeti qurama jeńimpaz tuǵyrynan kóringen bolatyn. Atap aıtqanda, Kanada men Reseı (KSRO kórsetkishin qosa eseptegende) -9, AQSh pen Shvetsııa - 2, Chehııa men Ulybrıtanııa - 1 márte chempıon atandy.

Al Fınlıandııa 2 márte kúmis, 4 márte qola júldeger atanǵan edi.

Eske salsaq, budan buryn Slovakııa erler arasynda qola júldeger boldy.

Sondaı-aq búgin Beıjiń Olımpıadasynyń jabylý rásimi ótedi.

Foto: championat.com