Hokkeıden álem chempıonatynda Qazaqstan qyzdar quramasy ekinshi ret jeńdi

<p>ASTANA. KAZINFORM - Shaıbaly hokkeıden Qazaqstan qyzdar quramasy ekinshi dıvızıonnyń A tobynda ekinshi jeńisine qol jetkizdi.</p>

Andorra memleketinde ótip jatqan jarysty qazaqstandyq hokkeıshiler sátti ótkizip keledi.

Qazirge deıin eki oıynnyń ekeýinde de jeńiske jetip, týrnır kestesindegi jaǵdaıyn jaqsartyp aldy. 

Birinshi oıynda qazaqstandyq hokkeıshiler Meksıkany 4:2 esebimen tize búktirdi. 

Búgin olar Taıvan quramasymen kezdesip, olardyń qaqpasyna jaýapsyz úsh shaıba soǵyp úlgerdi.

El quramasy sapynan Aleksandr Shegaı 10, Ekaterına Kýtsenko 16-mınýtta mergendik tanytsa, 26-mınýtta Anastasııa Orazbaeva qorytyndy esepti belgiledi.

Osylaısha Qazaqstan qyzdar quramasy qarsylasynan 3:0 esebimen basym tústi.

Foto: icehockey.kz

Endi qazaqstandyq hokkeıshiler aldaǵy oıynyn 10 sáýirde Islandııaǵa qarsy ótkizedi.

Aıta ketsek, 7-13 sáýir aralyǵynda el quramasy birinshi dıvızıonǵa beriletin jalǵyz joldamany Belgııa, Ispanııa, Islandııa, Taıpeı jáne Meksıka quramalarymen sarapqa salady.