Hokkeıden ÁCh: Qazaqstan jastar quramasy 2-orynǵa kóterildi

ASTANA. QazAqparat - Hokkeıden 20 jasqa deıingi jastar arasyndaǵy álem chempıonatynda Qazaqstan úshinshi jeńisine qol jetkizdi, dep habarlaıdy QazAqparat tilshisi.

Qazaqstandyq jastar búgin Slovenııa quramasymen kezdesti. El quramasynan Roman Ermak 1, 24, Danıııl Tsybın 17, Vsevolod Logvın 47-mınýttarda mergendik tanytty. Oǵan slovenııalyq hokkeıshiler eki golmen jaýap qaıyrdy.

Osylaısha qazaqstandyq jastar qarsylasynan 4:2 esebimen basym tústi.

Qazaqstandyq hokkeıshiler birinshi dıvızıonnyń A tobynda synǵa túsýde. Qarsylastary - Norvegııa, Frantsııa, Slovenııa, Danııa jáne Vengrııa quramalary.

Endi qazaqstandyq hokkeıshiler 18 jeltoqsanda Norvegııa quramalarymen sheberlik baıqasady.

Eske salsaq, budan buryn Frantsııaǵa ese jiberip, odan keıin Vengrııa, Danııa quramalaryn jeńdi.

Atalǵan jeńisinen keıin qazaqstandyq hokkeıshiler týrnır kestesinde toǵyz upaımen ekinshi orynǵa kóterildi.

Birinshi orynda úsh oıynnan keıin toǵyz upaı jınaǵan Norvegııa jastary keledi.