Hokkeıden ÁCh: Qazaqstan jastar quramasynyń qaqpashysy úzdik atandy

<p>Shaıbaly hokkeıden Qazaqstan jastar quramasynyń qaqpashysy Vladımır Nıkıtın Vengrııa astanasy Býdapeshtte ótken birinshi dıvızıondaǵy álem chempıonatynyń úzdik qaqpashysy boldy, dep habarlaıdy <a href="Kazinform." target="_blank" rel="noopener">Kazinform.</a></p>

Álem birinshiliginde qazaqstandyq qaqpashy úzdik nátıje kórsetken. Ol orta eseppen soqqylardyń 94,44 paıyzyn qaıtarǵan. Sondaı-aq ol basqa qaqpashylarmen salystyrǵanda aıdynda kóp ýaqyt ótkizdi. Vladımır Nıkıtındi bes kezdesýdiń barlyǵyna da qurama sapynda qaqpaǵa ıelik jasady. 

Týrnır barysynda ol 119 seıv jasaǵan. Nıkıtın úzdik qaqpashy atanýymen birge Qazaqstan quramasynyń úzdigi ataǵyna laıyq dep tanyldy. 

Aıta ketsek, qazaqstandyq hokkeıshiler alǵashqy bes oıynnyń tórteýinde jeńiske jetti. Olar Vengrııa (5:2), Danııa (3:2), Frantsııa (4:0) jáne Japonııadan (3:1) esebimen basym tústi. Al besinshi týrda Vengrııaǵa býllıtten 6:7 esebimen ese jiberdi. 

Qazaqstandyq hokkeıshiler álem chempıonatynyń birinshi dıvızıonynda alty márte oınady. Tórteýinde jeńimpaz atanyp, elıtalyq dıvızıonǵa joldama alǵan edi. 

Qazaqstan jastar quramasy elıtalyq dıvızıonda segiz márte baq synady. Joǵary jetistigi – 1999 jyly altynshy oryn.