Hokkeı: Qazaqstan jastar quramasy álem chempıonatynda tórtinshi jeńisine qol jetkizdi

<p>Shaıbaly hokkeıden 20 jasqa deıingi Qazaqstan jastar quramasy álem chempıonatyndaǵy tórtinshi jeńisine qol jetkizdi, dep habarlaıdy <a href="Kazinform." target="_blank" rel="noopener">Kazinform.</a></p>

Qazaqstandyq hokkeıshiler tórtinshi týrda Japonııamen kúsh synasty.

Kezdesý barysynda japonııalyq hokkeıshiler sapynan Kazýmo Casakı esep ashsa, oǵan qazaqstandyq Egor Smolıanınov, Kırıll Lıapýnov, Rýslan Ospanov úsh shaıbamen jaýap berdi.

Qazaqstan - Japonııa 3:1 (1:1, 1:0, 1:0)

0:1 - Sasakı (Sýzýkı, Koıva) - 6:23
1:1 - Smolıanınov (Lıapýnov, Han) - 18:30
2:1 - Lıapýnov (Orazov) - 38:21
3:1 - Ospanov (Breýs) - 53:17

Qazaqstandyq hokkeıshiler elıtalyq dıvızıonǵa jalǵyz joldamany 10-16 jeltoqsan aralyǵynda IA dıvızıonynda Frantsııa, Danııa, Japonııa, Vengrııa jáne Aýstrııa quramalarymen sarapqa salyp jatyr.

Buǵan deıin qazaqstandyq hokkeıshiler Vengrııa (5:2), Danııa (3:2) jáne Frantsııadan (4:0) basym túsken bolatyn. 

Endi otandastarymyz 17 jeltoqsanda Aýstrııamen sheberlik baıqasady.

Qazaqstandyq hokkeıshiler álem chempıonatynyń birinshi dıvızıonynda alty márte oınady. Tórteýinde jeńimpaz atanyp, elıtalyq dıvızıonǵa joldama alǵan edi.

Qazaqstan jastar quramasy elıtalyq dıvızıonda segiz márte baq synady. Joǵary jetistigi – 1999 jyly altynshy oryn.