Hokkeı: Qazaqstan quramasy Olımpıada oıyndaryna irikteý satysyn qashan bastaıdy

NUR-SULTAN. QazAqparat - Halyqaralyq hokkeı federatsııasy 2022 jyly Qytaı astanasy – Beıjiń qalasynda ótetin Qysqy Olımpıadaǵa irikteý satysyn barlyq toptyń kúntizbesin jarııalady, dep habarlaıdy QazAqparat.

Esterińizge sala ketelik, Qazaqstan quramasy N tobynda Ýkraına, Polsha jáne Gollandııa quramalarymen synǵa túsedi. Oıyndar 6-9 aqpan kúnderi Nur-Sultan qalasyndaǵy «Barys-Arenada» ótkiziledi. Qazaqstandyq hokkeıshiler 6 aqpanda Ýkraınamen aıdynǵa shyqsa, odan keıin 7 aqpanda Gollandııa, 9 aqpanda Polshamen kezdesedi.

Óz tobynda qazaqstandyq hokkeıshiler birinshi oryn alýy tıis. Sol arqyly irikteý kezeńiniń fınaldyq satysyna joldama alady. Jarystyń atalmysh satysynda qazaqstandyq hokkeıshiler 2020 jyldyń 27-30 tamyz aralyǵynda Slovakııa, Norvegııa, Latvııamen sheberlik baıqasady.

Qazaqstan quramasy Qysqy Olımpıada oıyndarynda eki márte baq synady. 1998 jyly shırek fınalǵa deıin jetse, 2006 jyly jalpy esepte toǵyzynshy oryn aldy.