NUR-SULTAN. QazAqparat - Qurlyqtyq hokkeı lıgasy aıasynda elordalyq «Barys» búgin, 25 aqpanda elordada Qytaıdyń «Kýnlýn Red Star» (Beıjiń) komandasymen kezdesti, dep habarlaıdy QazAqparat tilshisi.
Eki komanda buǵan deıin 17 márte sheberlik baıqasty. Onyń 13-inde «Barys» basymdyq tanytsa, qalǵanynda «Kýnlýn Red Stardyń» mereıi ústem boldy.
Aıta keterligi, eki komanda arasyndaǵy sońǵy tórt oıynda da qazaqstandyq klýbtyń mereıi ústem boldy.
Búgingi kezdesýde qazaqstandyq klýb hokkeıshileri oıyn basynan tizgindi qolyna alýǵa tyrysty.
Nátıjesinde 3-mınýtta Darren Dıts «Barysty» alǵa shyǵardy. Al 7-mınýtta Anton Sagadeev esepti ústemeleı tústi.
Al 53-mınýtta Nıkıta Mıhaılıs jeńis shaıbasyn soqty. Oıynda elordalyq klýb qarsylasyn 3:0 esebimen basym tústi.
Endi «Barys» 27 aqpanda qurlyqtyq hokkeı lıgasy turaqty kezeńindegi sońǵy týr oıynyn Reseıde «Avangard» (Omby) komandasyna qarsy ótkizedi.
Esterińizge sala ketelik, budan buryn «Barys» overtaımda «Ak Barstan» jeńildi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.