ASTANA. KAZINFORM - Qazaqstandyq «Barys» komandasy búgin óz alańynda Qurlyqtyq hokkeı lıgasyndaǵy kezekti oıynyn Reseıdiń SKA (Sankt-Peterbýrg) komandasyna qarsy ótkizedi.
Kezdesý elorda ýaqytymen saǵat 19:30-da bastalady.
Eki komanda buǵan deıin 30 márte kezdesken. Onyń 7-eýi elordalyq klýbtyń basymdyǵymen aıaqtalsa, qalǵan oıyndarda reseılik komanda jeńiske jetken.
Týrnır kestesinde «Barys» 59 oıynnan keıin 44 upaımen 22-orynda tur. Al SKA 60 oıynnan keıin 84 upaımen 4-orynda keledi.
Aıta keteıik, astanalyq klýb sońǵy 10 oıynnyń toǵyzynda qarsylastaryna ese jiberdi.
Bul kezdesýden keıin qazaqstandyq ujym 10 aqpanda elordada «Spartak» (Máskeý) klýbymen kim myqtyny anyqtaıdy.
Eske salsaq, budan buryn «Barys» qatarynan segizinshi márte jeńilip qalǵanyn jazǵan bolatynbyz.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.