Hokkeı: «Barys» altynshy ret qatarynan jeńildi

<p>ASTANA. KAZINFORM - Qazaqstandyq &laquo;Barys&raquo; komandasy búgin Qurlyqtyq hokkeı lıgasyndaǵy kezekti oıynyn elordada Reseıdiń &laquo;Spartak&raquo; (Máskeý) komandasyna qarsy ótkizdi.</p>

Kezdesý barysynda alǵashqy kezeńde esep ashylǵan joq. Ekinshi kezeńde reseılik komanda qatarynan úsh shaıba soǵyp ketti. Ony Adam Rýjıchka 21, Ansel Galımov 28, Aleksandr Belıaev 33-mınýtta ózderiniń enshisine jazdy.

Elordalyq komanda úshinshi kezeńde qatarynan eki shaıba soǵyp, esep aıyrmasyn qysqartty. Olardyń qatarynan Anton Býrdasov 46, Álıhan Ómirbekov 47-mınýtta mergendik tanytty.

Oıynnyń bitýine sanaýly sekýndtar qalǵanda reseılik klýbtan Danııl Orlov qorytyndy esepti belgiledi.

Qazaqstandyq komanda búgingi kezdesýde qarsylasyna 2:4 esebimen ese jiberdi.

Foto: Vıktor Fedıýnın/ Kazinform

Aıta ketsek, elordalyq klýb osylaısha qatarynan altynshy márte jeńilistiń aşy dámin tatty.

Eki komanda buǵan deıin 32 márte kezdesken. Onyń 14-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.

Aıta ketsek, elordalyq klýb budan keıingi bes oıynyn qatarynan syrt aıdynda ótkizedi. Aldymen 6 jeltoqsanda Reesıde «Severstal» (Cherepovets), 8 jeltoqsanda SKA (Sankt-Peterbýrg) komandasymen kezdesse, odan keıin 17 jeltoqsanda «Dınamo» (Máskeý), 19 jeltoqsanda qytaılyq «Kýnlýn Red Star» (Beıjiń), 21 jeltoqsanda «Traktor» (Chelıabi) klýbtarymen sheberlik baıqasady.

Foto: Vıktor Fedıýnın/ Kazinform

Foto: Vıktor Fedıýnın/ Kazinform