HOK basshysy pandemııadan zardap shekken Tokıoǵa, Olımpıada oıyndaryna keldi
HOK prezıdenti Haneda áýejaıyna japon úkimeti 22 tamyzǵa deıin beıresmı taǵy bir tótenshe jaǵdaı engizgen kúnnen keıin keldi. El úkimeti Olımpıada oıyndary ınfektsııanyń odan ári órshýine sebepshi bolýy múmkin dep alańdaıdy.
Atalmysh sheshimdi sol kúnniń sońynda úkimet resmı túrde qabyldaýy kerek edi. Japondyq uıymdastyrýshylar Tokıo jáne onyń mańaıyndaǵy alańdarda oıyndardy kórermendersiz ótkizýge kirisip te ketken.
Bah beısenbi kúni keshke kórermenderge baılanysty jańa saıasat týraly sheshim qabyldaý úshin japondyq uıymdar ókilderimen, olardyń ishinde uıymdastyrýshy komıtetti basqaratyn Seıko Hashımotomen jáne Tokıo gýbernatory ıÝrıko Koıkemen kezdesý ótkizedi dep kútilýde.
Sársenbi kúni Tokıoda koronavırýs juqtyrýdyń jańa 920 jaǵdaıy tirkeldi, bul mamyrdyń ortasynan bastap eń kóp táýliktik kórsetkish bolyp otyr. Sonymen qatar medıtsınalyq sarapshylar álemniń kóptegen elderi ınfektsııanyń juqpalylyǵy joǵary delta shtamymen kúresip jatqanda, oıyndardy jalǵastyrý qaýipti ekenin eskertedi.
Japonııanyń uıymdastyrýshy komıtetiniń habarlaýynsha, Bah karantındi qonaq úıde úsh kún ótkizedi. Ol Harýmı jaǵasyndaǵy tokıolyq aýdandaǵy sportshylar aýylyna baryp, uıymdastyrýshylarmen qashyqtan jáne kózbe-kóz kezdesý ótkizýdi josparlap otyr.