HQO-larda kólikti tirkeý kezinde jemqorlyq jasaý múmkindigi bolǵan

<p>ASTANA. KAZINFORM - Mamandandyrylǵan HQKO qyzmetine keshendi monıtorıng júrgizý barysynda kólik quraldaryn tirkeý jáne júrgizýshi kýálikterin berý kezinde eleýli jemqorlyq táýekelderi anyqtaldy, dep habarlaıdy Sybaılas jemqorlyqqa qarsy is-qımyl agenttiginiń baspasóz qyzmeti.</p>

Normatıvtik quqyqtyq aktilerdegi olqylyqtar, aqparattyq júıelerdiń jetilmegendigi, basqa baǵdarlamalarmen jáne derekqorlarmen álsiz ıntegratsııa zańsyz áreketterdi jasaýǵa múmkindik berdi.

Agenttik ýákiletti organdarǵa jemqorlyq táýekelderin joıý týraly usynymdar engizdi.

Protsesterdi avtomattandyrý boıynsha usynystar kólik quraldaryn tirkeý, emtıhandardy qabyldaý jáne júrgizýshi kýálikterin berý erejeleriniń jańa redaktsııasynda kórinis tapty.

Tirkeý is-áreketteri kezinde kólik quraldary ıeleriniń (ókilderiniń) jáne teorııalyq emtıhandardy tapsyrý kezinde júrgizýshi kýáligin alýǵa úmitkerlerdiń jeke basyn mindetti bıometrııalyq sáıkestendirý engizildi.

Avtokólikti tirkeý boıynsha jańa aqparattyq júıeler engizildi, ol ótinimderdi resimdeý jáne qaraý kezinde derekterdi túzetýge múmkindik bermeıdi. Ózgerister engizý quqyǵy tek ákimshilik polıtsııa komıtetinde.

Agenttiktiń usynysy boıynsha Densaýlyq saqtaý mınıstrligi aǵymdaǵy jyldyń mamyr aıynyń basynan bastap kólik quralyn basqarýǵa ruqsat berý týraly medıtsınalyq anyqtama berýdi elektrondyq formatqa aýystyrdy. Bul qaǵaz tasyǵyshta jalǵan anyqtamalar berý múmkindigin boldyrmaıdy.

Júrgizýshi kýáligin alý úshin teorııalyq emtıhandardy tapsyrý protsesinde beınetirkeý engizildi. Endi bul protsess qoǵamdyq baqylaýdy qamtamasyz etý úshin tikeleı efırde kórsetiledi.

Emtıhandardy qaıta tapsyrý rásimderi retteldi. Qaıtalama áreketterdiń sany – 2 retten artyq emes, ótpegen jaǵdaıda-3 aıdan keıin, tyıym salynǵan zattardy paıdalanǵan kezde – 6 aıdan keıin emtıhan tapsyra alady.

Jańa aqparattyq tehnologııalardy engizýdiń arqasynda osy saladaǵy táýekelderdi aıtarlyqtaı azaıtýǵa múmkindik týdy.

Alaıda, qazirgi ýaqytta jekelegen azamattar, sondaı-aq Mamandandyrylǵan HQKO qyzmetkerleri aqshalaı syıaqylar úshin máselelerdi sheshýge tyrysýda.

Máselen, Almaty qalasy boıynsha Sybaılas jemqorlyqqa qarsy qyzmet «Azamattarǵa arnalǵan úkimet» memlekettik korporatsııasy» KEAQ fılıaly №1 mamandandyrylǵan bólimi basshysynyń halyqqa qyzmet kórsetý jónindegi orynbasaryna qatysty sotqa deıingi tergeý júrgizýde.

Ol qujattardy kedergisiz qabyldaý jáne júrgizýshi kýálikterin alý úshin avtomektep kýrsanttaryn emtıhan tapsyrýǵa jiberý syltaýymen jergilikti kásipkerden 930 myń teńge somasynda alaıaqtyq jolmen aqsha qarajatyn ıemdendi dep kúdiktelýde.

Onyń is-áreketterine qorytyndy baǵany sot beredi.

Sybaılas jemqorlyqqa qarsy qyzmet «kómekshilerge» júginbeýge jáne zańnama sheńberinde memlekettik qyzmetterdi alýǵa keńes beredi.

Siz osyndaı faktilerge tap bolǵan adam 1424 nómiri boıynsha Call-ortalyqqa, @AntikorKZ_bot Telegram-botyna jáne Qabanbaı batyr dańǵyly, 19 B meken-jaıy boıynsha habarlasýǵa bolady.