HQO-lar endi qytaı tilinde qyzmet kórsetedi degen aqparat jalǵan - vıtse-mınıstr

ASTANA. QazAqparat – Endigi ýaqytta halyqqa qyzmet kórsetý ortalyqtary qytaı tilinde de qyzmet kórsetedi degen aqparat jalǵan. Bul týraly Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov aıtty, dep habarlaıdy QazAqparat tilshisi.

Ortalyq kommýnıkatsııalar qyzmeti alańynda ótken baspasóz máslıhatynda BAQ ókilderi vıtse-mınıstrden: «Elimizdegi halyqqa qyzmet kórsetý ortalyqtarynda qazir úsh tilde qyzmet kórsetiledi. Olar - qazaq, orys, aǵylshyn tilderi. Endi oǵan qytaı tilin qosyp jatyr eken. Sebebi ne? Qytaı men Qazaqstan arasyndaǵy Prezıdent qol qoıǵan vızasyz rejımge baılanysty ma? Álde basqa sebebi bar ma? Ne úshin tórtinshi til retinde basqa emes, dál qytaı tili qosylyp jatyr?» dep surady.

Bul saýalǵa Áset Turysov:

«Atalǵan aqparat jalǵan ekendigin aıtqym keledi», - dep qysqa jaýap berdi.