HQKO ortalyqtarynda tehnıkalyq aqaýǵa baılanysty qyzmet kórsetý toqtatyldy

ASTANA. QazAqparat - Qazaqstannyń HQKO ortalyqtarynyń biriktirilgen júıelerindegi tehnıkalyq aqaýlarǵa baılanysty respýblıka boıynsha «Azamattarǵa arnalǵan úkimet» fılıaldaryndaǵy qyzmet kórsetý ýaqytsha toqtatyldy, dep habarlaıdy «QazAqparat» HAA tilshisi.

«Qazirgi ýaqytta biriktirilgen júıelerdegi tehnıkalyq aqaýlarǵa baılanysty «Azamattarǵa arnalǵan úkimet» fılıaldarynan memlekettik qyzmet túrlerin alý múmkin bolmaı tur» delingen «Azamattarǵa arnalǵan úkimet» UAQ-ynyń Instagramdaǵy paraqshasynda.

Júıe jumysyna jaýapty  «UAT» AQ mamandary jóndeý jumystaryn júrgizip jatyr. Keleńsizdikter úshin keshirim suraımyz», - delingen habarlamada.

«Azamattarǵa arnalǵan úkimet» KAQ «bir tereze» arqyly 400-den astam memlekettik qyzmetterdi júzege asyrady.