HQKO-nyń qatardaǵy mamany qansha jalaqy alady
Korporatsııanyń saıtynda Astana qalasynyń Mamandandyrylǵan Halyqqa qyzmet kórsetý ortalyǵynyń qyzmetkeri Saıat Omarov óz atqaryp otyrǵan qyzmet týraly aıtty.
«Meniń ár kúnim erekshe, biraq meniń kúndelikti atqaratyn jumysym men mindetim bar. Meniń ár tańym oıatqyshtyń eki qaıtara qońyraýymen bastalady. Mine, tań da atty. Búgin de men ádettegideı saǵat 07:00-de oıandym. Men tańǵy asty jaqsylap iship alamyn, sebebi, aldymda qarbalas jumys kúni kútip tur», - dep jazady Saıat Omarov.
Onyń jumysy saǵat 09-00-dan bastalady. Ol avtokólikterdi tirkep, anyqtama qaǵazdaryn beredi. Tulǵalardy, senimhattardy tirkeý qyzmetin atqarady. Astananyń HQKO qyzmetkeri kúndelikti jumysy týraly ǵana emes, uzyn-sonar kezekte turmas úshin ortalyqqa qaı ýaqytta kelý qajettigin jetkizgen.
«Eger uzyn-sonar kezekte turmaı, jumysyńyzdy barynsha tezirek bitirip alǵyńyz kelse, beısenbi kúni saǵat 17-den keıin kelińiz. Bul kezde adam barynsha az bolady. (Negizinen, kelýshiler senbi, dúısenbi, seısenbi kúnderi saǵat 17 shamasynda keledi)», - dep jazady Saıat Omarov.
Ortalyqtyń Qujattar qabyldaıtyn qyzmetkeriniń jalaqysy - 75 myń teńge. Bul týraly atalǵan korporatsııanyń Facebook paraqshasyndaǵy bos oryndar týraly habarlamasynan bilýge bolady. Bul qyzmetke Almaty men Astana jáne elimizdiń ózge de qalalarynda mamandar qajet.