HQKO múgedekterge tólqujat alǵany úshin memlekettik bajdardy zańsyz salǵan

NUR-SULTAN. QazAqparat – Aqmola oblysyndaǵy Halyqqa qyzmet kórsetý ortalyqtarynda múmkindigi shekteýli adamdarǵa tólqujat alǵany úshin memlekettik bajdar negizsiz salynǵan, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

«Taldaý barysynda 500-den astam múgedek azamattyń quqyqtarynyń buzylǵany anyqtaldy. Salyq kodeksiniń 622-babyna sáıkes atalǵan tulǵalar qujattandyrý qyzmetteri úshin memlekettik baj tóleýden bosatylǵan.

Aqmola oblysy boıynsha Sybaılas jemqorlyqqa qarsy is-qımyl departamentiniń bastamasymen azamattardyń buzylǵan quqyqtaryn qalpyna keltirý máselesi kóterildi. Qazirgi ýaqytta polıtsııa organdarymen birlesip tólengen memlekettik bajdardy qaıtarý boıynsha jumystar júrgizilip jatyr.

Talap etilgen bajdardyń jalpy somasy – 1 345 000 teńge.

Budan ári osyndaı negizsiz memlekettik baj alýdy boldyrmaý úshin Departament aqparattyq júıelerdi sapaly ıntegratsııalaýdy júrgizý, sondaı-aq belgili bir sanattaǵy tulǵalarǵa jáne basqa da salalarda jeńildikter berýge qatysty qoldanystaǵy zańnamany zerdeleý qajettigin atap ótti», - delingen resmı habarlamada.