HQKO-lardyń aqparattyq júıesi ońtaılandyrylady

ASTANA. QazAqparat - Elimizdegi halyqqa qyzmet kórsetý ortalyqtarynyń bazalyq aqparattyq júıesi jyl sońyna deıin jańartylady. Bul týraly búgin QR Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat. 

«HQKO-larda kezek nelikten paıda bolady? Bul «Azamattarǵa arnalǵan úkimet» memlekettik korporatsııasynyń jáne operatordyń ǵana problemasy emes. Óıtkeni, onyń qyzmetke qansha ýaqyt jumsaý qajettigi týraly naqty jazylǵan reglamenti bar. Bul problema aqparattyq júıeniń jumys istemeı qalýynan týyndaıdy. Ol únemi jańartyp otyrýdy qajet etedi. Birde bir aqparattyq júıe tikeleı memlekettik korporatsııaǵa tıesili emes. Aqparattyq júıeler memlekettik organdarǵa tıesili. Árbir memlekettik organ óziniń aqparattyq júıesin balalar, densaýlyq, jumysqa ornalastyrý syndy salalar boıynsha júrgizedi. Ókinishke oraı barlyq negatıvti memlekettik korporatsııa qyzmetkerleri alady»,- dedi ol.

Mınıstrdiń dereginshe, aǵymdaǵy jyldyń basynan beri halyqqa qyzmet kórsetý ortalyqtarynyń aqparattyq júıesinde 35 saǵattyq irkilis tirkelgen.

«Eger aqparattyq júıe 5 nemese 10 mınýt jumys istemeıtin bolsa, onda úlken kezek paıda bolady. Biz bul máselemen aınalysyp jatyrmyz jáne jyldyń sońyna deıin bazalyq aqparattyq júıeni jańartyp, olardy ońtaılandyramyz dep úmittenemiz», - dedi Dáýren Abaev.