HQKO-da «Jumyssyz azamattardy tirkeý jáne esepke qoıý» qyzmeti kórsetilýde

ASTANA. QazAqparat - Bul qyzmet Halyqqa qyzmet kórsetý ortalyqtarynda jyl basynda engizilgen. Endi ár jumyssyz adamnyń HQKO-ǵa kelip, tirkelýine jáne esepke turýyna bolady.

Bul úshin eń az qujattar paketi qajet, jumysqa turǵysy keletin jannyń ózimen birge jeke kýáligi pen eńbek kitapshasynyń bolǵany jetkilikti, dep habarlaıdy Kólik jáne kommýnıkatsııa mınıstrliginiń baspasóz qyzmetinen.

Úmitker saýalnamada qandaı bilim alǵany, qaı tildi biletindigi, qyzyǵýshylyqtary jáne bos ýaqytynda nemen aınalysatyndyǵy týraly aqparatty kórsete alady, bul óz kezeginde jumys izdeý úderisin jeńildetedi jáne onyń múmkindikterin keńeıtedi. Bul qyzmetti qalańyzdaǵy kez kelgen HQKO-dan alýǵa bolady.

Tirkeýge jáne esepke qoıýǵa kúntizbelik 10 kún ketedi. «Buryn bul qyzmetti qalalyq jumyspen qamtý jáne áleýmettik baǵdarlamalar basqarmalary ǵana usynatyn, endi osy jyldyń qańtar aıynan bastap ol HQKO-da kórsetiletin boldy. Sonymen birge elektrondy tsıfrlyq qoltańbańyz bolsa, qyzmetti alý úshin elektrondyq úkimet saıtyna júginýge bolady», - deıdi HQKO qyzmetterin avtomattandyrý jáne uıymdastyrý jónindegi bas dırektordyń orynbasary Ásemgúl Baltasheva.

Bul oraıda HQKO-nyń jyl saıyn óz qyzmetteriniń sanyn arttyryp otyratyndyǵyn aıta ketken jón. Mysaly, bıylǵy jyly olardyń sany 171-ge jetti, al 2012 jyly Halyqqa qyzmet kórsetý ortalyqtary barlyǵy 113 qyzmet, al odan burynǵy jyly 59 qyzmet túrin ǵana kórsetken bolatyn.