HQKO-da talon beretin apparat klıentterdiń Ashyq-taǵy mártebesin tekseredi

ÓSKEMEN. QazAqparat – Shyǵys Qazaqstan oblysyndaǵy Halyqqa qyzmet kórsetý ortalyqtarynda klıentterdiń mártebesi talon beriler aldynda tekseriletin bolady, dep habarlaıdy QazAqparat tilshisi.

«Azamattarǵa arnalǵan úkimet» ShQO boıynsha fılıaly baspasóz qyzmetiniń málimetine súıensek, Ashyq qosymshasynyń arqasynda HQKO-da azamattardyń mártebesi talondy berer aldynda avtomatty túrde tekseriletin bolady.

«Bul sheshim qandaı da bir sebeptermen Ashyq-ty smartfon arqyly paıdalana almaıtyn klıentterge yńǵaıly bolý úshin qabyldandy. Memlekettik qyzmetterdi tek qaýipsiz nemese beıtarap mártebesi bar azamattar ǵana ala alady. Eger qaýipti mártebe anyqtalsa, talon berilmeıdi», - delingen aqparatta.

Sonymen qatar burynǵydaı ǵımarattyń esigindegi QR-kod arqyly Ashyq júıesindegi mártebeni tekserip ortalyqqa kirýge bolady.

Esterińizge sala keteıik, QR Bas memlekettik sanıtarlyq dárigeriniń qaýlysy boıynsha HQKO-lar 14 maýsymnan bastap Ashyq júıesi arqyly klıentterdi qabyldaýǵa kóshken.