Hızbollaǵa peıdjerlerdi jetkizgen kompanııanyń ıesi jumbaq jaǵdaıda ǵaıyp boldy

<p>ASTANA. KAZINFORM &ndash; &laquo;Lıvanǵa peıdjerlerdi jetkizýmen aınalysady&raquo; delingen kompanııanyń ıesi, úndistandyq 39 jastaǵy Norvegııa azamaty Rınson Iosı jarylystardan keıin ǵaıyp boldy, dep habarlady brıtandyq&nbsp;<a href="https://www.dailymail.co.uk/news/article-13870589/norwegian-tech-guru-israel-pagers-lebanon-explosions-bomb.html" target="_blank" rel="noopener">Daily Mail</a> gazeti.</p>

Buǵan deıin Taıvandyq peıdjer óndirýshisi Gold Apollo Lıvanda jarylǵan peıdjerler partııasyn Býdapeshttiń BAC Consulting Kft kompanııasy shyǵarǵanyn aıtqan. Majarstan úkimeti kompanııanyń deldal ekenin jáne peıdjerlerdiń eshqashan elde bolmaǵanyn aıtty. Kelisimge bolgarııalyq Norta Global Ltd kompanııasy da qatysqany habarlandy.

Basylymnyń málimetinshe, Norta Global kompanııasynyń ıesi Rinson Xose bolyp tirkelgen.

Iosı seısenbi kúni aldyn ala josparlanǵan issaparǵa ketken dep aıtylýda. Alaıda onyń negizgi jumys berýshisi, norvegııalyq NHST medıa konglomeratynyń basshylyǵy sodan beri onymen baılanysa almaǵandyqtan sársenbi kúni keshke Norvegııanyń qaýipsizdik qyzmetine habarlasqan.

Oslo polıtsııasy kelesi kúni «aqparatqa qatysty aldyn ala tergeýdi bastaǵanyn» habarlady.

Aıta keteıik, 17 jáne 18 qyrkúıekte Lıvannyń ártúrli aımaqtarynda baılanys qurylǵylary, sonyń ishinde peıdjerler men ratsııalar jarylǵan. Myńdaǵan qurylǵynyń bir ýaqytta jarylýyna ne sebep bolǵany ázirge belgisiz. Hızbolla men Lıvan resmıleri oqıǵa úshin Izraıldi aıyptady. Izraıl sheneýnikteri ázirge olardyń qatysy baryn rastaǵan nemese joqqa shyǵarǵan joq.