Hızb-ýt-Tahrır ekstremıstik uıymynyń jaqtaýshysy ustaldy

<p>Almaty men Túrkistanda terrorızmdi nasıhattady degen kúdikpen eki er adam ustaldy, dep habarlaıdy <a href="https://www.inform.kz/" target="_blank" rel="noopener">Kazinform</a> <a href="https://polisia.kz/iim-terrorizmdi-nasihattaghan-kudiktiler-ustaldy/" target="_blank" rel="noopener">Polisia.kz</a>-ke silteme jasap.&nbsp;</p>

Almaty qalasynyń polıtsııa departamenti UQKD-men birge terrorızm ıdeıalaryn nasıhattady degen kúdiktini quryqtady. Ustalǵan adam Qazaqstan Respýblıkasynda tyıym salynǵan “Hızb-ýt-Tahrır ál-Islamı” dinı-ekstremıstik uıymynyń jaqtaýshysy bolyp shyqty.

Sonymen qatar Túrkistanda oblystyq PD qyzmetkerleri prokýratýranyń úılestirýimen terrorızm ıdeıalaryn nasıhattady degen kúdikpen jergilikti turǵyndy ustady. Er adam Qazaqstanda sot sheshimimen tyıym salynǵan “DAISh” halyqaralyq terrorıstik uıymy ıdeologııasynyń jaqtaýshysy bolyp tabylady.

Kúdiktilerdiń turǵylyqty jerin tintý kezinde dinı ádebıetter men ózge de zattaı dáleldemeler tárkilendi.

Qylmystyq kodekstiń 256-babynyń 1-bóligi “Terrorızmdi nasıhattaý nemese terrorızm aktisin jasaýǵa jarııa túrde shaqyrý” boıynsha sotqa deıingi tergep-tekserý júrgizilip jatyr. Tergeý ýaqytynda ustalǵandarǵa qamaýǵa alý túrindegi bultartpaý sharasy tańdaldy.