Hıýa qalasyna ıslam áleminiń týrıstik shahary mártebesi berildi

<p>TAShKENT. KAZINFORM &ndash; Islam yntymaqtastyǵy uıymy (IYU) Ózbekstannyń Hıýa qalasyna &laquo;2024 jylǵy ıslam áleminiń týrıstik shahary&raquo; mártebesin aıǵaqtaıtyn sertıfıkatty tabys etti. Bul týraly <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar habarlady.&nbsp;</p>

Saltanatty is-shara 2500 jyldyq tarıhy bar Hıýa qalasynda ótti. Oǵan Islam yntymaqtastyǵy uıymynyń ókilderi, sarapshylar men salaǵa jaýapty memlekettik organdardyń qyzmetkerleri qatysty. 

Toqtala keteıik, 2022 jyly Bakýde ótken Islam yntymaqtastyǵy uıymyna múshe elderdiń týrızm mınıstrleri qatysqan XI sessııa barysynda Hıýa, Ábý-Dabı (BAÁ), Shanlyýrfa (Túrkııa), Lagos (Nıgerııa) jáne Dýshanbe (Tájikstan) qalalary «2024 jylǵy ıslam áleminiń týrıstik shahary» mártebesine usynylǵan bolatyn. Bul rette IYU-ǵa múshe memleketter Ózbekstandaǵy tarıhı qalaǵa ıslam áleminiń týrıstik astanasy mártebesin berý bastamasyn qoldady. 

Foto: Álıhan Asqar / Kazinform

«Hıýaǵa IYU-nyń ıslam áleminiń týrıstik qalasy mártebesin berýi - bul shahardyń tanymal týrıstik baǵytqa aınalýyna múmkindik beredi. ıÝNESKO sarapshylary Hıýany ejelgi Afına, Rım jáne Kaırmen para-par qala dep baǵalap jatady. Sondaı-aq ol TÚRKSOI halyqaralyq uıymymen túrki áleminiń mádenı astanasy dep tanyldy», - dedi Ózbekstan Týrızm komıteti tóraǵasynyń orynbasary Jamshıd Abdýsalomov. 

Foto: Álıhan Asqar / Kazinform

Byltyr Hıýaǵa 500 myńnan astam týrıst kelgen. Aldaǵy ýaqytta saıahatshylardyń sanyn 1 mln adamǵa deıin ulǵaıtý úshin qajetti jaǵdaı jasaý josparlanyp otyr.

Jalpy, Hıýa Ortalyq Azııada myńdaǵan jyldyq tarıh syryn qoınaýyna búkken jáne osy óńirde tolyq qalpynda saqtalǵan jalǵyz shahar. 1990 jyly Kanadada ótken ıÝNESKO-nyń XIV sessııasynyń arnaıy sheshimimen ol «Dúnıejúzilik mura nysandary» tizimine engizildi. 

«Bul qala buryn mádenıet, ǵylym men órkenıettiń ortalyǵy retinde tanylǵany belgili. Astronomııa, matematıka, hımııa ilimderi boıynsha kóptegen oqý oryny men iri ǵylymı ortalyq dál osynda ornalasty. Hıýa óziniń baı tarıhymen, sáýletimen ári biregeı mádenıetimen ortaq muramyzdyń mańyzyn aıǵaqtap keledi», - dep toqtaldy Islam yntymaqtastyǵy uıymy Bas hatshysynyń orynbasary Ahmad Kavesa Sengendo. 

Foto: Álıhan Asqar / Kazinform

Іs-shara barasynda Kavesa Sengendo Hıýa qalasynyń hokımatyna «2024 jylǵy ıslam áleminiń týrıstik astanasy» mártebesiniń sertıfıkatyn tabys etti. 

Atalǵan mártebeniń usynylýyna baılanysty bıyl mamyrda Hıýada IYU-ǵa múshe elder týrızm mınıstrleriniń XII sessııasy ótedi. Onyń barysynda «Horezm handarynyń taǵamdary» atty gastronomııalyq festıval, ǵylymı-praktıkalyq konferentsııa, foto jáne kórkem óner sheberleriniń kórmelerin ótkizý josparlanyp otyr.