Hımııa salasy boıynsha bıylǵy Nobel syılyǵyn kimder aldy

NUR-SULTAN. QazAqparat – Nobel syılyǵynyń hımııa baǵyty boıynsha 2020 jylǵy laýreattary - Emmanıýel Sharpante men Djennıfer Daýdna, dep habarlaıdy QazAqparat Euronews agenttigine silteme jasap.

Olar genomdy redaktsııalaý tásilin ashqany úshin osy marapatqa ıe boldy. Nobel komıtetiniń málimdemesinde bıylǵy syılyq «ómirdiń kodyn ózgertkeni úshin» berilgeni aıtylǵan.

Sharpante men Daýdna «genetıkalyq qaıshy» degen atpen tanymal CRISPR-Cas9 tásilin ashqany úshin syılyqqa laıyq dep tanylǵan.

ıAǵnı, CRISPR DNQ tizbegin jasýshalarǵa aqparat berý jáne saqtaý úshin paıdalanýǵa bolady. Osylaısha olardy «baǵdarlamalap alýǵa» múmkindik bar.

Bul tehnologııa qazirgi ýaqytta aýyr dertti, onyń ishinde onkologııany emdeýde paıdalanylady.