Hımııa boıynsha Nobel syılyǵy úsh ǵalymǵa berildi

STOKGOLЬM. QazAqparat - Stokgolmdegi Nobel komıteti hımııa syılyǵynyń 2022 jylǵy ıegerlerin atady, olar – AQSh ǵalymdary Kerolaın Bertotstsı men Barrı Sharpless, sondaı-aq dat ǵalymy Morten Meldal, dep habarlaıdy QazAqparat VVS-ge silteme jasap.

Syılyq klık-hımııasynyń ádisterin damytqany úshin berildi.

«Hımııa boıynsha 2022 jylǵy Nobel syılyǵy kúrdeli protsesterdi jeńildetýge arnaldy. Barrı Sharpless pen Morten Meldal molekýlalyq qurylys bloktary jyldam jáne tıimdi biriktiriletin hımııanyń fýnktsıonaldy túri – klık-hımııanyń negizin qalady. Al Karolın Bertotstsı klık hımııasyn jańa deńgeıge shyǵardy», - delingen komıtettiń baspasóz habarlamasynda.

Aıta keteıik, 1901 jyldan beri hımııa boıynsha Nobel syılyǵy 113 ret berildi. Syılyqtyń 2022 jylǵy mólsheri 10 mln shved kronasyn (shamamen 900 myń dollar) qurap otyr.

Fızıka boıynsha 2022 jylǵy Nobel syılyǵyn frantsýz Alen Aspe, amerıkalyq Djon F.Klaýzer jáne avstrııalyq fızık Anton Tsaılınger alǵanyn buǵan deıin jazǵan bolatynbyz.

Foto: TT News Agency/Christine Olsson via Reuters