HІH halyqaralyq Jáýtikov olımpıadasynda qazaqstandyqtar 66 medal jeńip aldy

ASTANA. QazAqparat – 26 eldiń 281 komandasy 10 kún boıy matematıka, fızıka jáne ınformatıka páninen synǵa tústi. Qazaqstannan quramynda 250 oqýshysy bar 35 komanda baq synady. Bul týraly QazAqparat Oqý-aǵartý mınıstrliginiń baspasóz qyzmetine silteme jasap habarlaıdy.

Dástúrli halyqaralyq Jáýtikov olımpıadasyna Qazaqstan, Ázerbaıjan, Ózbekstan, Reseı, Grýzııa, Rýmynııa, Serbııa, Ýkraına, Úndistan, Túrkııa, Ulybrıtanııa jáne basqa da elderdiń fızıka-matematıka baǵytyndaǵy mamandandyrylǵan mektepterinen jalpy 1 200-den asa oqýshy qatysty.

Qazaqstandyq oqýshylar HІH halyqaralyq Jáýtikov olımpıadasynda 66 medal jeńip aldy, onyń ishinde 6 altyn, 20 kúmis jáne 40 qola. Jeńimpazdar elimizdiń jetekshi joǵary oqý oryndarynyń ataýly syılyqtary men bilim granttaryn ıelendi.

«Halyqaralyq Jáýtikov olımpıadasy oqýshylar arasynda tanymal bola tústi. Olımpıada kezinde qatysýshylar kúrdeli matematıkalyq esepterdi sheshedi. Mundaı zııatkerlik konkýrstar olardyń bilimin tereńdetip qana qoımaı, balalardy komandada jumys isteýge, dostyq qarym-qatynas ornatýǵa úıretedi», - dep atap ótti RFMM basqarma tóraǵasy Rýslan Qalıev.

Aıta keteıik, olımpıada respýblıkalyq fızıka-matematıka mektebiniń bazasynda ótti.

Buǵan deıin habarlaǵanymyzdaı, HІH halyqaralyq Jáýtikov olımpıadasy 1 aqpan kúni Almatyda bastalǵan bolatyn.

Foto: instagram.com/oqu_agartu_ministrligi